October 30, 2024: Robert Downey Jr. para Marvel executives kan Aritificial intelligence keh chui nah taila Tony Stark laka portrayal tho ban abo kui nah papna deh nai. Hoile b taikan kuri shae koile tho, tai lawyer up kuri bo kui shae.
On With Kara Swisher podcast laka ekta episode deh, Oscar winning actor para kun kan Ai chui nah taila version bana bole allow kuri bo, taikan sob keh sue kuri bo kui shae. Taila Iron Man role deh kotha kura time deh, Downey para tai laka likeness to Ai technology para bana diki bole mun nai kui shae.
“Muila character laka soul keh hijack kuri bole mui jinta deh ase kile koile teen jun, charjun nishi nah manu kan ase, kun kan tateh decisions kan banai aro taikan mui keh kitia b enaka nakuri bo,” Downey para kui shae.
Swisher para utu executives kan piche deh tho replace hobo leh heh ase kui shae. “Hoi etu tho husa ase. Sob future executives keh sue kuri bo kui nah mui kobo mun jai,” Downey para kui shae.
“Apni muri jabo,” swisher para kui shae. Downey para etu kui nah jawab di shae: “hoile b muila law firm tho itia b active taki bo.” Marvel Studios aro Downey laka representatives para comment laka request deh jawab itia b dia nai.
Add Comment