New Delhi, 18 February : Boxing laga legend MC Mary Kom, Indian Olympic Association (IOA) laga Athletes Commission (AC) laga chairperson aru apex sports body laga executive committee laga member position pora resign kurese.
Sunday din Athletes Commission laga WhatsApp group te, chhota World Champion Mary Kom koise ki tai IOA laga zimmedari khotom kuribo mon ase. “Moi IOA te thaki kilebi bhal experience paise. Itu ekta bhal experience thakise moi laga jibon te. Kintu moi dukho kuri koi ase ki moi IOA pora resign kuribo faisla luishe. Moi IOA ke bhal kamna janai thaki ase,” koi gane likhise.
IOA laga ekjon Athletes body member koise ki Mary Kom resign kuribo laga reason koi dibi nai, aru official letter aha pora piche te next step ki hobo itu loe fesla lubo.
Table tennis star Sharath Kamal AC laga vice-chairperson ase, aru itu committee te Om Prakash Karhana, Shiva Keshavan, Gagan Narang, Bajrang Lal, PV Sindhu, Bhavani Devi aru Rani Rampal bhi ase. Abhinav Bindra, International Olympic Committee (IOC) laga Athletes Commission laga member hoile karone, ex-officio member ase.
Itu 10-member AC to November 2022 te, PT Usha president hoa time te form kurise. Itu athletes’ body IOC laga guidelines hisab te banai dise, jate athletes khan laga awaz represent kuri IOA laga faisla te importance pai. Itu Athletes Commission laga duita member, chairperson milai gane, IOA executive committee te bhi ase. AC laga members khan IOA laga alag-alag committees te bhi represent kure.
IOA laga Athletes’ body bana loapiche te bhi bishi functional nohoi thakise. Surute olop meeting hoapiche te, kotta meeting bhi nohoi thakise. Bindra bhi eku bar bhi itu committee ke active kuri, athletes khan laga problem IOA samne te anibole lage koi thakise. Kintu IOA bhi president PT Usha aru baki executive committee members khan laga conflicts te ulji thakise.
Add Comment