Agencies: Tuesday te Asian Sportswriters Union (AIPS Asia) pora pohili bar organize kuriya ‘Awards for Asia’ ceremony te Mary Kom ke best female athlete award dise. Premier League te Tottenham Hotspur team karne khiliya South Korea laga football star Son Heung-minke best male athlete award dise.
India laga leading boxer Mary Kom pora tai laga Asian women boxing te chitiya karne award baise. Seven world championships laga medal chitiya woman boxer toh 36 umar amma hi ase.
September 7 te dhakibole laga World Championships te, Mary Kom pora tai laga record seventh World Championship gold medal lobole phabna te ase, aro chitile tai Cuban legend Felix Savon ke bar kuribo.
Mary Kom laga general weight category toh 48kg ase, hoile bhi etu bar World Championships te tai 51kg flyweight category te khilibo.
Aro, Son ke Asian aro South Korean football khan ke support kuriya nimede award dise. Son toh Asia laga leading ase kintoh tai Premier League aro Champions League te Tottenham karne khili ase. Jowa sal, Son pora South Korea khan ke Asian Games te gold medal chitai dise.
“Son toh ektam phal football khiliya mpanu ase aro moi khan ekptam khushi ase ki tai ke Asian awards laga first winner karne chunise,” Jung Hee Don, Korea Sports Press Union laga President pora koise.
Individual awards pora alak toh, Japan women’s football team pora tai khan laga 2011 Women’s World Cup kamiyab aro World Cup 2015 te runners-up karne best female team award dise. Etu sal laga World Cup quarter-finals te bonjise, team khan 2014 aro 2018 AFC Women’s Asian Cup laga bhi winner ase aro 2010 aro 2018 Asian Games laga bhi winner ase.
Qatar men’s national football team pora etu sal olap ake te AFC Asian Cup chitiya karne best male team award paise. Qatar khan Copa America 2019 te bhi khilise aro South American khan laga khilaaf ektam phal pora khilise.
Add Comment