Agencies: Six-time world champion boxer Mary Kom ke Padma Vibhushan award karne loise, Bharat Ratna biche te country te second highest civilian honour karne sports ministry pora pohili bar maiki athlete laga nam dhalise.
Mary laga nam bhi Padma awards karne ministry pora chuniya noujun majo te dhakise, aro alak first wala te, athletes noujun bhi etu bar sob maiki khan ase, Times of India pora khobor kurise.
Badminton star PV Sindhu, august mohina te world championship chitibole pohila maiki, ke bhi country laga third highest civilian award Padma Bhushan karne chunise.
Mary Kom ke 2013 te Padma Bhushan aro 2006 te Padma Shri award dise. Tai pora Padma Vibhushan award paise koi le toh, tai etu pabole fourth sportsperson hobo. Chess wizard Viswanathan Anand 2007 te, cricket legend Sachin Tendulkar 2008 te aro mountaineer Sir Edmund Hillary 2008 te koi kena tai khan biche te.
Sports ministry pora Sindhu laga nam diya biche te Padma Bhushan honour karne 2017 te saise. Tai pora 2015 te Padma Shri paise.
Etu sal laga list te dhakiya Paki maiki satjun sob ke Padma Shri karne chunise. Tai khan toh wrestler Vinesh Phogat, table tennis star Manika Batra, T20I skipper Harmanpreet Kaur, hockey captain Rani Rampal, former shooter Suma Shirur aro mountaineer twin sisters, Tashi aro Nungshi Malik khan enika ase, TOI laga khobor pora koise.
Etu list toh Padma awards committee logot home ministry te bodhai dise. Etu awardees khan laga nam toh ahiya sal laga Republic Day din te janai dibo.
Add Comment