Ulan-Ude (Russia): Saturday Six-time champion M C Mary Kom (51kg) semi-final match te Turkey’s Busenaz Cakiroglu logot harai kena World Women’s Boxing Championships laga bronze medal karne nami jaise.
Mary Kom, seeded third, 1-4 pora reigning European Championships aro European Games gold-medallist second seed Cakiroglu logot te harise.
Final teen minute te, boxers duijun bhi ektam mehnat kurise hoile bhi Cakiroglu pora parise.
Etu harile bhi, 36 umar Mary Kom karne ektam phal campaign dhakise aro tai laga kamiyab list te ase. Etu bronze toh 51kg category te tai laga pohila world medal ase.
Six world titles pora alak toh, Mary Kom laga career te Olympic bronze medal (2012), five Asian titles, Asian Games aro Commonwealth Games te gold medals, aro bishi alak international top te khotam hoi kena ase.
Saturday Biche te din laga session te, Jamuna Boro aro Lovlina Borgohain bhi Women’s World Boxing Championships laga semifinal te hai kena bronze paise.
Jamuna toh Taiwan laga Huang Hsiao-Wen logot 54kg category te harise, aro Lovlina bhi China’s Yang Liu logot 69 kg category te harise.
Jamuna Boro bhi 28-29, 28-29, 27-30, 27-30, 27-30 pora Huang Hsiao-Wen logot harise.
Lovlina Borgohain bhi 29-29, 29-28, 27-30, 29-28, 28-29 pora Yang Liu logo te harise.
Debutant Manju Rani (48kg) chiti kena final bonjise, 2001 te Mary kom bonji kena 18 sal biche te final bonjibole pohila maiki hoise.
Sixth-seeded Rani pora Thailand’s Chuthamat Raksat ke 4-1 pora tai laga semifinal match te chitise aro tai Sunday laga top clash te Russia’s second seed Ekaterina Paltceva logot te klhilibo.
Add Comment