Paris, 12 April ; Six-time world champion boxer M C Mary Kom toh Friday dey ahi thakia Paris Olympics karney India laga chef-de-mission nishma naami jaishey, kuishey ki tai toh kunwa personal karaan karneh eku upai nai.
Indian Olympic Association (IOA) President PT Usha para janai dishey ki Mary Kom para ekta chitti dey tai laga position para namai diwoley likhina hudishey.
IOA para March 21 dey tai laga appointment announce kurishey.
Itu celebrated boxer, kun 2012 London Olympics para ekta bronze-medallist asey, tai toh desh laga contingent karney July 26-August 11 Games dey logistical in-charge thakishey.
“Muikahn afsos asey ki itu Olympic medal winning boxer aro IOA Athletes Commission laga Chairperson Mary Kom toh personal karaan karney nami jaishey. Muikhan tai laga faisla aro privacy ke respect kurey,” Usha para ekta statement dey kuishey.
“Mui thik consultations kuribo aro julti Mary Kom laga replacement dey announcement diwo.”
Usha kuisheh ki tai itu chitti pai piche dey Mary Kom logot khota kuisheh.
“Mui tai laga request ke buji pai asey aro tai laga faisla ke respect kurey. Mui para bhi taike janai dishey ki tai logot hotai mui nijor laga aro IOA laga support thakibo. Mui sob manu ke itu legendary boxer laga privacy ke respect kuriboley request kuri asey,” Tai kuishey.
Add Comment