Maryam Nawaz Sharif’s mota ke police para thurishe

October 19, 2020. Purana Pakistan Prime Minister Nawaz Sharif’s laga bacha Maryam Sharif, aro tai Pakistan Muslim League-Nawaz (PML-N) Vice President ase. Monday din te Maryam Sharif laga mota Captain Safdar Awan logot police para thurishe koikena tai para Twitter te janai thishe. Aro tai lekishe ke, “Police para ami bohi thaka Karachi, hotel pithor te doorja pangkaina Capt. Safdar, ke thurishe.” Captain Safdar ke thura toh, Maryam para Karachi  te Imran Khan administration kelaaf te rally thakishe. Etu rally toh organised korikena Opposition parties khan para Pakistan laga ruling government kelaaf te protest thakishe. Etu rally samay, Maryam Sharif para kosom korishe ke, tai laga baba Nawaz Sharif ke power te wabas anibo aro Prime Minister Khan ke jail te thalibo koishe. Protest thaka samay, leaders khan saml kora toh Jamiat Ulema-i-Islam chief Fazlur Rehman, Pakistan People’s Party (PPP) chairman Bilawal Bhutto Zardari, PML-N vice president Maryam Nawaz, former prime minister Shahid Khaqan Abbasi, Ahsan Iqbal, Maulana Shah Owais Noorani, Allama Sajid Mir, Dr Abdul Malik, Iftikhar Hussain, Ameer Haider Khan Hoti, Dr Jehanzeb Jamaldini, Pashtun Tahaffuz Movement (PTM) leader, Mohsin Dawar. Etu tui(2) paar wala ase ke, 11-party opposition alliance PDM (Pakistan Democratic Movement) khan para powers thikaishe. Boila toh Lahore, Gujranwala te thakishe.