November 18, 2020. Ben Watkins para MasterChef Junior 2018 saal te participate kora 14 umer te cancer bemar para morishe. Ben toh besi din cancer bemar hoikena Monday din morishe. Watkins laga ghor manuh para khobor toh janaishe, “Ben toh etu duniyaa te 14 saal samai dhuk thakishe, hoilebi etai tai laga dhuk toh kotom hoishe. Ben para jani thakishe ke manuh sob para morom kori thakishe”, statement te koishe. MasterChef judge Gordon Ramsay para Instagram te mon dhuk howa janaishe. Tai lekishe, “ami khan Master eka jaishe @masterchefjunior kitchen. Ben, tui toh tangor talent thakishe ke, ghor te cook koriboli aro takot manuh ase. Ami khan eke logot cooking aro kushi toh yaat kori. Ami laga sati jaijaa nemite mon duk ase. Ami laga morom aro salam toh Ben Watkins ghor manuh logot janai ase”. Fox para statement te kioshe ke, “Ben Watkins mora nemite besi tangor nokson ase. MasterChef Junior family laga member ekta thaka ase. Tui ke manuh sob para EndemolShine North America aro FOX Entertainment te missed koribo”.
Add Comment