Matha- Kata para loi kena beatboxing tak, laga premier khan loboley asey, melbourne tey

August 18, 2024: Itu “Headhunting to Beatboxing” laga documentary laga film kuntu toh hoiley Grammy, Oscar aru BAFTA Awards winner, Dr. A. R. Rahman para produce kurishey, itu toh hoiley world premier kurishey, Melbourne tey, Australia tey. Itu premier laga agey phaney Dr. Rahman ke itu Cinema Award tey Excellence accord kurishey, itu notun documentary logotey, tai khan laga repertoire tey feature kuri kena. Itu event toh hoiley, itu International Film Festival laga highlight kurishey, Melbourne tey. Tatey Nagaland laga Chief Minister nimitey Advisor aru IDAN laga Chairman – Abu Metha ke bhi honour kurishey itu event tey, tai tatey bishi majetey tai bhi ekta dignitary thaki kena, kun para award khan dishey, itu Victoria State laga Governor, Melbourne laga aru itu External Affairs laga Minister logotey. Itu World Premier tey kotha kuri kena, aru interaction khan tey, itu festival laga homoi tey, kotha khan kurishey, Metha para itu Naga tribe khan laga rich history aru heritage laga opor tey kotha khan share kurishey, kuntu toh hoiley ganna khan aru dance khan tey para reflect kurey, itu alag alag tribe khan laga. “Moi khan laga rich aru vibrant culture toh hoiley generation generation para pass aha laga asey, millenia para aru aru aji itu kahani khan toh global audience khan ke koi thakey, moi khan laga artist khan cultural ambassador khan para”, tai para koishey. Tai para purana festival khan laga bhi highlight kurishey, Naga tribe khan laga aru itu Hornbill Festival laga overview kurishey, kuntu toh tai para itu ekta legendary celebration asey koi koishey, Naga laga life thaka laga tarika toh aru ekta creativity, energy aru vibrancy laga exhibition, Naga youth laga. Tai para global community khan ke invite kurishey, ahi kena experience kuriboley itu “festivals laga festival” tey aru aru bhal para appreciate  kuriboley, itu Naga khan thaka laga tarika khan ke, kuntu toh hoiley positive para contribute kuri asey, humanity laga bhal nimitey. Tai para Dr. A. R. Rahman ke thanks janaishey, Nagaland logotey collaborate kuria nimitey, itu koi kena ki, ekta global brand Rahman Naga youth khan ke promote kuria toh hoiley bishi priceless asey. Metha para itu Chief Minister Rio laga support toh appreciate kurishey, kun laga pura vision aru guidance toh hoiley, itu project ke hosa kuri dishey aru inform kurishey ki, itu film toh hoiley paach saal lagishey, banaboley karney.