Los Angeles, May 28, 2026: Mathew Perry, kun “Friedns’ laga series te ekta actor thake she, tai ketamine addiction te gushea homoi, tai laga assistant para beshe drugs de kena tai mure jai she.
Wednesday te, court para tai laga assistant ke tin sal aro char moina laga jail saza de she, Mathew toh ekta sob se dangor ekta TV star thake she.
Judge Sherilyn Peace Garnett para sentence toh de she court te Kenneth Iwamasa laga opor te. Judge para koi she ki, Kenneth toh Mathew laga drug addiction opor te eku modok kure nai, aro bhal para tai ke sai nai.
October 28, 2023 te, Mathew Perry toh mure she, tai murea laga case te, doctors aro rasta te dawai beka manu khan be thake she. Jasveen Sangha kun rasta te para dawai bekai thake she, tai toh 15 sal laga jail saza pai she.
