Canada, 2 November : Matthew Perry laga maut kinika huishey itia tak ekta mystery asey. 4 din huishey Friends star Chandler Bing tai laga hot tub dey murina thakia paa piche dey aro itia tak dey eku official karaan dia nai tai ajanak muri jaa dey. Huilewi, Tai kaga podun dey kunwa cheez thakia janiwo parishey.
Itu initial toxicology test Matthew Perry laga upar lua para janai dishey ki tai kaga maut toh substance-related thakianai tuita dangor drugs tak karney. Tai addiction thakia laga history jaanina speculate kurishey ki itu actor para illicit drugs luina thakibo parey, huilewi, itu verdict toh uncertain thaki asey kitia aro bishi test luwoley paki asey.
Tai maut laga osol karaan najania tak, Toxicology test para tuita drugs Fentanyl & Meth thakia janai dishey Perry laga podun dey tai muria laga time dey. Kintu, itu discovery para Perry laga khoon dey alag illicit drugs thakia rule kuria nai.
Ekta TMZ report hisab dey, aro pitor tests khan conduct kuri asey itu TV personality laga podun upar dey. Itu investigation khan toxicology exam laga exta part asey janiwoley juti tai illegal cheez khan luishey na nai nahuilewy juti tai lethal doses luishey eku prescription dawai khan laga.
Kitia itu final analysis khotom huwo, itu authorities khan para tai laga maut laga osol kaaran janai diwo paribo. Huilewi, juti illicit drugs pailey Perry laga podun dey, case toh aro duur investigation lagibo.
Add Comment