May 1 para Kaziranga te Elephant safari bondh

GUWAHATI: Kaziranga National Park (KNP) te elephant safari toh season nemite May 1, 2022 darik para bondh thakibo, koikena khobor para janaishe. Kaziranga National Park (KNP) authorities para etu khobor toh Wednesday din junaishe. Manas National Park & Tiger Reserve authorities para park pithor te elephant safari aro rafting toh May 1 darik para bondh thakiboli junaishe. Manas Tiger Reserve laga Field Director para Upper Bungalow, Lower Bungalow aro Mothanguri te Dormitory dak Manas National Park te elephant safari & rafting toh May 1, 2022 para olop din nemite bondh thakibo koikena ordered te janaishe, statement te koishe. Etu order toh April 19, 2022 darik te issued korishe aro etu toh hoile Union Ministry of Environment, Forest & Climate Change, National Tiger Conservation Authority letter dated August 18, 2015 darik hesab te bondh thakibo. Khobor para aro janaishe ke, halat besi beya howa nemite, konuba rasta toh tourists nemite May 1, 2022 darik te bondh thakibo aro etu toh notun order issue nakora dak jai thakibo. Etu rasta toh- Uchila Camp para Chorphuli camp aro Bansbari range pithor Mothanguri main road, Range Office Kanchanbari camp aro Sewali camp para Dwimary camp rasta pithor Bhuyanpara range; aro sob rasta pithor Kahitama Beat, Panbari Range aro Kuklung Range dak bondh thakibo.