New Delhi: Delhi international airport te T2 terminal toh May 17 rathi para bondh koriboli koishe. COVID-19 second wave bemari para flights toh besi komti howa nemite ase koikena Tuesday din khobor para janaishe. May 17 rathi para T3 terminal te flights handled kori thaka toh bondh koribo. Itya dak Delhi airport te 1 din pithor te 325 flights handle kori ase koishe. Bemari soruh nakora akhe te 1 din pithor te 1,500 flights handle kori thakishe. India aro aviation sector te second wave bemari para besi beya hoi jowa nemite Delhi airports para etu fesla toh loishe. Olop hafta akhe te, 1 din pithor te domestic air passengers toh 2.2 lakh para loikena 75,000 neshina perai thakishe koikena Civil Aviation Ministry laga data hesab te janaishe. Etu neshina international air traffic toh be second wave bemari para besi beya hoikena ase. India te notun coronavirus cases toh 2,29,92,517 para 14 din pithor te 3.29 lakh te lamishe, koikena Tuesday din Union health ministry laga data update hesab te janaishe. 24 gonda pithor te 3,29,942 bemari cases khobor paishe aro etu oper te notun 3,876 mora khobor ase, koikena 8 am samai data update te janaishe.
Add Comment