May 16, 2021. Sikkim State te COVID-19 second wave besi beya para othi-thaka nemite, State Government para Sikkim te 7 din nemite lockdown thakiboli junaishe. Sikkim te lockdown toh May 17 darik 5 am para soruh hoikena May 24 darik 5am dak thakibo. State te COVID-19 cases positivity rate besi otha nemite Sikkim government para lockdown koriboli fesla loishe aro olop hafta hoishe ke, state te rate toh 20% oper thaka nemite ase koishe. Sikkim Government laga bapana te, “state te joldi para hokom kara korikena manuh perai thaka toh rokaboli nemite ase”. “State Government offices, ration dukan, private commercial buildinds, institutions, gymnasiums, bazaar aro factories jarikena dosura kam neshina medicines, medical equipment oxygen toh kula thakibo,” koikena official notification te janaishe. Hoilebi, Central Government offices toh Government of India laga nuem hesab te jai thakibo. Etu samai gari perboli, activities aro congregation toh lockdown samai bondh thakibo. Hoilebi, gari kuan kam te aro essential services nemite valid papers thakina lockdown samai perabo koishe.
Add Comment