Sweden, 14 March : India laga 64-square board te history likha jaise ketiya Mayank Chakraborty Assam pora first-ever Chess Grandmaster bani jaise. International Master Mayank Sweden te tai laga final GM norm achieve kori, India laga 94th Grandmaster hoise.
Matro 16 saal laga Mayank 8th GM Tournament te Hotel Stockholm North te kalI tai laga final Grandmaster norm officially secure kori dise. Tai outstanding performance kori 9 game majot 7 point loi first position te finish kori dise.
Top seed player khan ke harai aru final round khan te unbeaten thaki, tai mandatory 2500 FIDE rating barrier bhi cross kori dise, juntu Grandmaster title required ase.
Itu achievement logot Mayank Assam aru pura North East region pora first-ever Chess Grandmaster bani jaise. Silchar aru pura rajya te sports community majot dangor celebration cholise. Itu milestone ke region te chess laga dangor boost kuina dekha jaise, juntu prove kore ki dedication thakile global sport laga highest level tak bhi jabo paribo.
Add Comment