Uttar Pradesh, January 15,2024: Bahujan Samaj Party(BSP) laka supremo Mayawati para Monday deh announce kurishae ki tai laka party dho etu aha Lok Sabha election dhe ekla contest kuribo aru koishae ki party laak alliance dusra party lokto kitiya bhi beneficial takanai. Mayawati para koisahe etu para post-poll alliance ki dho rule out kura nai.
Uttar Pradesh dhe ekta press conference ekta address kurikina Mayawati para kosiahe “ Moi kan alliances para bishi loss hoi. Etu laak reason kuren moikan laka country laka parties kan para BSP lokot alliance form kuribo mun jai. Election biche dhe alliance kurne consider kuriboli paribo. Aru possible hoili dho BSP para tai kan laka support dho diboli paribo election biche dhe….moikan laka party dho ekla fight kuribo election dhe.”
“Backward Communities, Dalits, tribals kan aru Muslims
para manu kan ki bishi back kurishae. Moikan ekta full majority government banaishae UP dhe 2007 laka sal dhe aru etu kurne Lok Sabha laka poll dhe ekla contest kuriboli decide kurishae. Moikan koto kan casteist aru communalism dhe ebliev kuri tai kan lokot ekta distance maintain kuribo… moikan full strength dhe kam kuribo BSP lo help kuriboli aru ekta favourable verdict baboli,” BSP laka supremo para koishae.
BSP dho ekta major political force takishae Uttar Pradesh dhe 1990-2000 laka sal dhe. Hoilibhi etu olob sal ake dhe decline hoishae. 2022 laka assembly election dhe party kan para 12.8 per cent laka vote baishae koto etu three decade dhe sobse komde takishae.
Aru etu time dhe, BSP laka supremo para tai laak retirement laka kotha dho confirm kurishae politics para aru tai laka nephew Akash Anand laka nam deshae tai laka successor kurne juwa mohina.
“Last Month moi para Akash Anand ki delclare kurishae moi laka political successor kurne koto biche dhe media dhe enika speculate kurishae ki moi politics para retire kuribo apri. Hoilibhi moi clarify kuribo mun jai ase ki etu enika nahoi aru moi party laka strength kurne kam kuri takibo,” enika tai para media kan ki koishae.
Add Comment