Mayor: June 4 te 87,000 Covishield doses paijabo

June 3, 2021. Mumbai te Friday din dak te Covishield vaccine toh 87,000 doses supply bapoli neshina ase aro next din para city te vaccination drive toh aro soruh hoikena jaboli ase, koikena Thursday Mayor Kishori Pednekar para khobor toh janaishe. Mumbai te vaccine doses toh komti hoikena thaka nemite COVID-19 vaccination drive toh Thursday din city civic body aro Maharashtra government, Brihanmumbai Municipal Corporation (BMC) para centres run kori thaka centre te vaccination kam toh rokikena ase. Mumbai te sob melaikena 342 active COVID-19 vaccination centres ase aro etu pithor te Brihanmumbai Municipal Corporation (BMC) para 243 centres toh sai ase aro baki 20 centres toh state government para sai ase koishe. Reporters logot kotha kora samai, Pednekar para koishe ke, Friday din dak te Covishield vaccine toh 87,000 doses neshina supply ahiboli ase aro etu pongchai beche next din para vaccination drive soruh koribo koikena khobor toh janaishe. Tai para aro koishe ke, etu tuita(2) vaccine doses toh students kaun khan August moina te higher studies nemite bahar jaboli ase, tai khan logot be thiboli ase koishe. BMC para COVID-19 vaccines toh kaun agents logot be nakinibo koishe. BMC laga update hesab te, itya dak 33,74,261 manuh logot COVID-19 vaccine doses toh Mumbai te thikena ase aro Wednesday din te 49,833 manuh logot doses thishe. Etu samai, Mumbai te aro mucormycosis cases othi-thaka nemite tangor bapana ase. Pednekar para koishe ke, BMC para etu bemari nemite elaj koriboli injections toh hath te rakikena ase. Tai para aro janaishe ke, etu black fungus bemari logot larai koriboli nemite BMC para besi tangor kam kori ase koishe.