March 27, 2026: Kylian Mbappe toh khale ekta goal lagea ase France laga top gaol gosha record bhanga bole, tai laga team para Brazil khan ke harai dea piche Gillette Stadium te, kunto USA laga Massachusetts te ase.
Match laga 32 minute te Ousmane Dembele para ekta passing de kena, Mbappe ke goal gosha bole de she, Brazil laga keeper Ederson toh ball toh rokha bole pare nai, aro net te gushe jai she.
Etu Mbappe laga 56th goal thake she, 95th match khelea toh tai laga country karne. Oliver Giroud khale ase kun 57 goal goshai she 137 matches khelea toh France karne. Tai 2019 te, tai 18 sal thakea homoi, tai France karne first match khele she. Tai 22 February te Real Madrid khan karne khelea homoi, tai laga thang te jokhom lage she.
Add Comment