Mbappe laga goal para Real Madrid ke Leganes laga against te  jitibole modod kurisey

Barcelona, March 30: Kylian Mbappe para La Liga te  Real Madrid ke Leganes laga against te 3-2 para jitabole nimitey duita goal marisey. Etu para taikhan ke La Liga laga top te Barcelona laga level te pungchaisey. Etu majotey, Atletico Madrid tu etu race te pichey hoijaisey. Mbappe para etya Madrid join kora picheyte sob competition te total 33 goal marisey. Etu toh Christiano Ronaldo laga first season(2009-10) laga total ke match kuri asey.  Mbappe para enaka koisey, “Etu season nimitey dui moina baki thaka homoitey Ronaldo laga record ke match kuribo para tu special asey. Tai(Ronaldo) para amikey bisi bhal advice disey. Hoilebi, ami hodai kuwa nisna, amikhan para title jitibo lagey.” Defending champions aro performance biya hoikina low rank te thaka team(Leganes) majotey huwa etu match tu Madrid para asani para jitilobole laga game hobo koikina lagi thakisey hoilebi Leganes para bisi bhal khilisey. Mbappe para Madrid ke first 32^nd minute te penalty marikina ekta score disey hoilebi Leganes para joldi respend kurisey.  Leganes para 41^st minute te aro ekta goal marisey. Leganes laga player Rosier para Brahim Diaz para ball chinikina agey faley sprint kurisey aro Rodriguez ke set up kurisey, kun para Dani Raba ke ball pass kurikina Leganes ke agey loijaisey.  Leganes para attack kurikina third goal maribole ksois kurisiley hoilebi Real Madrid para second half te taikhan laga nijor laga opportunity laga faida uthaikina score kuribole parisey aro  match jitijaisey.