May 27, 2024 : Department of Animal Husbandry & Veterinary Services, Kiphire para toh hoiley char din nimitey, Capacity Building Training organise kurishey, Meat Production opor tey, Hopongkyu Memorial Hall, Kiphire Town tey, 27th May 2024 tey shuru kuri kena.
Dr. Tsilise, District Livestock Development Officer (DLDO) para tai laga introduction aru keynote address tey hoishey ki, Kiphire District toh hoiley bishi majetey ekta potential area khan asey, Livestock aru Poultry farming nimitey, tai khan laga suitable climatic condition khan karney. Raw material khan laga availability feed khan nimitey, itu bhi ekta main reson asey contribution factor tey, itu sector under tey develop kuri kena, itu District tey.
Tai para itu bhji koishey ki, bhal quantity laga Maize aru alag Fodder khan toh hoiley produce kurey itu district tey. Bishi waste land khan kuntu toh hoiley suitable nahoi, Agriculture purpose nimitey, itu toh Fodder cultivation/ Mithun/ Goat rearing etc khan tey bhi chulaboley parey. Tatey toh hoiley bishi dangor scope asey, Livestock aru Poultry endeavour nimitey, itu district tey, tai para koishey.
Itu District potentiality thakilebi, Mangsho laga available thaka toh, itu District tey, itu 20th Livestock Census hisap tey, toh 50 percent asey, itu laga requirement khan laga aru ekta shortfall aru bhi ekta 50 percent toh hoiley bishi important asey, itu District bahar para. Moi khan gahuri tey he bishi focus kurey, kiley maney gahuri laga consumption itu District tey toh hoiley 70% para 80% tey asey, tai para koishey.
Add Comment