Mokokchung, 19 November 2026: DC, Mokokchung, Ajit Kumar Verma, IAS pra inaugurate kuri shey medical equipment donate kura National Buildings Construction Corporation (NBCC) Limited pra Imkongliba Memorial District Hospital, Mokokchung ke 18 November 2026 te. Inaugural event te khota kuri kina Imkongliba Memorial District Hospital te, DC pra mati shey rationalisation karne resource laka public institution te better serve kuribo leh needs khan public laka. Tai note kuri shey ki underutilized nahoi leh unused saman toh certain healthcare facilities te transferred kuribo lageh alak facilities te kun bishi lagi ase. Infrastructure toh vital requirement ase public service deliver kuribo leh, DC pra koishey, koishey ki medical equipment toh khali lifesaving nahoi patients karne hoileh b ekta essential diagnostic guide ase doctors nimite. Contribution toh appreciate kura time te, NBCC limited pra bana CSR initiative under te, DC pra note kuri shey ki Mokokchung toh serve kureh regional hub hoina taikhan laka neighbouring district karne, especially healthcare aro education sector te. Etu karne, nutun saman toh madat kuribo healthcare deliver service bhal kuribo leh region across te. DC pra further koishey effective aro judicious utilization karne equipment laka. Etu time te GM (HRM), NBCC Limited, Manjeeta Mahajan Srivastava tai laka brief address te, koishey ki corporation toh sai ase continued partnership karne aro eki lokot kam kuribo leh public welfare karne khali healthcare ekla nahoi kina, education, sports aro alak sectors te b. Corporate Social Responsibility (CSR) initiatives laka hisa hoi kina, NBCC Limited donate kuri shey medical saman ekta portable ENT Endoscopy unit, Sinuscope, Indirect Ophthalmoscope, Pulse Oximeter, 5-Para Monitors, Radiant Warmer, Patient Monitor, Defibrillator, Slit Lamp, labor bed, Microscope, aro Autorefractometer mila kina. Event toh khotom hoishey formal handing hoi kina medical saman opor te Imkongliba Memorial District Hospital (IMDH), Mokokchung ke.
Medical saman donate kuri shey IMDH, Mokokchung te NBCC LTD pra








