Medziphema Town Hall te Plastic Waste Management laga awareness programme toh 26th April 2019 deh loishe .Etu programme toh ADC & Administrator Medziphema Town Council para loishe .
Etu din te ADC Thsuvisie Phoji para Awareness of plastic waste management uporte ekta brief short speech dishe. Resource person, EAC Sentilong para koishe ki plastic pollution toh earth te plastic laga saaman bishi thaka nimete jaanwar aro manu khan ke dukh de .1940s te plastic toh akhe wala bar olaishe aro etia tak komti hoilebi 300 tones nishena plastic toh hudai sal olai aro khali 10 percent toh recycled kureh aro dusra toh environment letra kuri deh.Etu nimete plastic decomposed hobole nimete 500-1000 sal loi.
Komti hoilebi 8 million pieces nishena plastic toh paani te ghussi jai etu para sea birds, alag alag marine mammals aro aquatic ecosystem khan murijaa .Aro bi tai koishe ki average human khan para 70,000 microplastics loi hudai sal aro etu uporte kunba compounds khan plastic te paa para manu khan laga hormones aro health bi biya kuri de.
Akhir tai para sob manu khan ke nijor nijor laga jaka te plastic pollution khan laga kotha janaidibi koikena janaishe .Etu programme shuru nohoa akhe te sob bhaagh luwa manu khan ke biodegradable bag khan dishe .
Add Comment