NEW DELHI:AAP party koishe Meera Sanyal toh eminent banker thkishe aro olop samay pichete tai politiccs te ahi kena Aam Aadmi Party join kurishe. Meera Sanyal toh tai laga ghor para Friday te murishe. Meera laga umar toh 57 thakishe.
Ms Sanyal toh dui saal para cancer treatment loi thakishe.
Preeti Sharma Menon Aam Aadmi Party laga Executive Committee member statement te koishe Etu bishi duk laga kotha as eke ami laga colleague aro ami laga leader Meera Sanyal toh ami khan majote etiya nai. Tai laga family khan nimite ami shanty laga prathana kuri di ase.
Delhi Chief Minister aro AAP Chief Arvind Kejriwal tweet kuri kena koishe Etu khobor huni kena ami ekdam apsos ase. Aro ami kiman onduk ase etu kubole ami logote ek kotha nai.
Ms Sanyal toh Royal Bank of Scotland laga desh laga chief executive chari kena Aam Aadmi Party join korishe Tai toh 2014 Lok Sabha election te AAP ticket para Congress laga Milind Deora against te contest kurishe. Hoile bhi Meera toh unsuccessful thakishe. Meera toh 2014 Lok Sabha election toh Mumbai laga south constituency para jaishe.
Ms Meera toh ekta well-known social worker thakishe. Aro tai “The Big Reverse: How Demonetization Knocked India Out” genika book bhi lekhishe.
Add Comment