July 10, 2023 : Ekta Joint coordination meeting tey, itu District Task Force laga aru itu flying squade team khan toh hoiley meeting loishey, Ekbar Karney Chula laga Plastic (SUP) opor tey ban lagai dibo koi kena, itu DC laga conference Hall tey, 7th July 2023 tey.
Itu meeting tey toh pani laga bootle chula laga opor tey bhi bhal para bahabi saishey koi asey government offices khan tey aru Government para diya notification toh follow kuri kena, itu toh hoiley itya moi khan sob chulai thaka 20 liter para komti wala pani bottle khan toh hatai dibo Governement office khan tey para, Kohima district aru itu saath saath Government programmes aru meetings khan tey. Tai khan itu bhi decide kurishey ki penalty toh uthaboley, itu 1st offence nimitey Rs. 5000, 2nd offense nimitey Rs 10000, aru Rs 20000 toh 3rd offense nimitey.
KMC ke bhi tai khan advise kurishey check kuria tey ekdam kara para kuriboley, Kohima laga jurisdiction tey -SUP toh ban kuriboley laga aru kagos laga carry bag khan chulaboley mon dangor kuri kena.
Itu subdivision khan toh hoiley awareness laga programme khan bhi shuru kuriboley manu khan ke itu ki karney asey sob ke bujai kena aru action plan khan banai kena SUP chulaboley laga toh manu khan ke mana kuri kena.
Add Comment