Dimapur, 15 December: Saturday din DDSC stadium Dimapur jaga deh, Nagaland State Legal Services Authority aro Dimapur district Legal Services Authority toh Government departments, Stakeholders aro NGOs logode melikena Mega Legal Services camp loise.
Jama howah jaga deh special guest, Secretary, Department of Justice and Law,Mrs.Khanrinla T.Koza pora kowah pora manu khan logode nejor laga right janibole aro government laga alag-alag service deya deh laab pabole janaideya thakise. Tai pora sob manu khan logode nejor laga right ke fight koribole janaideya thakise. Tai pora khobor janaideya toh, government pora Mega Legal Services laga policy deh bhabuna korikena ase. Tai pora sob department khan logode citizens khan ke tai khan laga right debole aro justice debole janideya thakise.
Event deh, Deputy commissioner Dimapur, Sushil Kumar Patel (IAS) pora organizers khan logode congratulate kora thakise. Aro tai pora manu khan logode jai thaga camp pora maximum advantage lobule janideya thakise.tai pora be government schemes deh nabuchikena dekthari paise koile samjaidebole janaideya thakise.
Chief Medical officer Dimapur, Vikato Kinimi pora alag-alag health care scheme Medical department pora deya highlight kora thakise aro citizens khan logode service pora laab pabole jaanaideya thakise.
Principal District & Sessions Judge & Chairperson Dimapur District Legal Services Authority pora key note address kotha kora thakise aro Chief Judicial Magistrate & Secretary DDLSA pora welcome note kora thakise. Program laga tusara highlight deh, Hill Theatre pora Legal awareness laga short play kora thakise aro Living Bread pora special song gaa thakise.
Programme deh Assistant Public Prosecutor, Dimapur, Sashi Kichu toh chaired thakise aro project Coordinator, Nagaland State Legal Services Authority, Limasenla Longkumer pora vote of thanks janaideya thakise. 40 departments pora be besi programme deh ahha thakise aro tai khan pora citizen khan logode motob koribole laga kotha janaideya thakise.
Add Comment