Meghalaya: 7 landslides te 2 jun morishe

SHILLONG: Meghalaya te 7 jaga te landslides howa khobor powa te komti hoilebi tui(2) jun pithor te  14-umer minor ek jun mora khobor ase. Khobor hesab te, Monday din East Khasi Hills district pithor Mawkynrew block, Mawlat bosti te landslide para tui(2) jun laga jaan jaishe. Mora manuh toh Rohit Kshiar (14) umer, Mawlat bosti aro dosura toh Dilibon Tangsang (35) umer, Mawkria bosti para ase koikena khobor paishe. Tai khan toh etu jaga te jai-thaka samai hatsa toh hoishe. Dosura landslide khobor ekta te, Umblai bosti te tuita(2) ghor aro tuita(2) dukan be beya hoishe. Etu same din te aro dosura landslide toh Lyngshing bosti te hoishe aro etu samai 5 ghor beya korishe. Etu landslide samai, bosti manuh ek jun Hame Bina koikena ke jokom paishe. Mawsynram Block pithor Thangbnai-Mawlyngot, Shillong –Dawki Road, Mawphlang Balat Road aro etu oper te Lawmali Quarter osor Wahumkhrah river te be landslides howa khobor thakishe. Etu jaga laga administration para aro beya hatsa nahobo nemite sai ase koishe.