NONGPOH: Ri Bhoi district ke Aspirational District be koi, etu district te society development nemite Airports Authority of India (AAI) para Corporate Social Responsibility (CSR) hath te district logot tuita(2) ambulances thiboli koishe. Thursday din te AAI officials para Deputy Commissioner RM Kurbah logot DC’s chamber ke lok korikena etu kotha nemite Memorandum of Association (MOA) signed korishe. MoA toh Airport Director Barapani (Shillong) Manish Kumar Agrawal aro tai logot dosura officials thikina signed korishe. laga detail kotha kora samai, Agrawal para janaishe ke, AAI para world-class aviation services ekla deya nahoi hoilebi CSR program hesab te society te development othaboli nemite te be kam te motob koribo. Tai para aro koishe ke, ambulances para toh etu jaga te COVID-19 bemari thaka samai health services othabo nemite ase. Etu ambulances toh Rs 29 lakhs para keniboli ase, tai koishe. Khobor heab te AAI (Shillong Airport) para aro 2020 saal te COVID-19 test saman kenibo nemite Rs 10 lakhs toh Deputy Commissioner logot thishe. MoA signed kora beche, Deputy Commissioner para Airport Authority of India laga officials khan logot besi kushi powa janaishe aro koishe ke, etu ambulance para district te itya laga halat samai manuh khan ke besi motob koriboli ase koishe.
Meghalaya: AAI para 2 ambulance donate
Add Comment