Guwahati, Decemeber 14 : Cabinet Minister Ampareen Lyngdoh kun laga naam Meghalaya laga Shillong Parliamentary seat nimitey disey, tai tu January 2024 laga first fale para tailaga campaign suru kuridibole asey.
Lyngdoh para reporter khan ke koisey, “ Ami para January 8 nohoile 9 te formally amilaga campaign suru kuribo.”
Ahibole thaka Lok Sabha poll nimitey tayar thaka tu janaikina, etu East Shillong laga MLA para koisey ki East Shillong te thaka sob vote diya manu khan logotey pungchibole jaruri thakisey.
Tai para enaka koisey, “ Etu party para ami ke MP laga seat nimitey ekta official candidate hobole fit dikhisey etu nimitey ami para ahibole thaka din te sob busti visit kuribo lagibo. ECI para election laga tarik announce kuribole baki asey aro amikhan logotey nijor ke tayar kuribole nimitey khali April moina tak laga hey homoi asey.”
Hoilebi tai para etu campaign laga exact detail tu janabole mana kuridisey aro koisey, “Rajneeti te, amikhan para amikhan laga plan ke secret rakhey hoilebi ekbar campaign suru hoija picheyte amikhan para etu secret tu janaidibo.”
Lyngdoh para etu bi koisey ki tai tu Shillong parliamentary seat para elect huwa first maiki hobole akha kuri asey.
Tai para koisey, “ Etu jaga para ekjun maiki bi elect huwanai. Judi manu khan para ekta MP hoikina taikhan laga awas hobole fit asey koikina bhabna kurisey koiley, ami tayar asey.”
Add Comment