Meghalaya, June 06: Ekta joint operation deh Meghalaya aro Assam Police para teenta kidnapped manu kan ke bachaishey, Assam laga police checkpoint deh ekta dramatic escape peche deh. Suspects kan ke dhurishey aro victims kan toh itya safe ase. Ri Bhoi District Police, Meghalaya, aro Assam laga counterparts logot collaborate kurina successfully teenta manu kan ke June 5 deh rescue kurishey, taikan toh Guwahati deh kidnapped huishey leh ransom karney. Teenta victims – lohborlang Kharsatia, Kostrarwel Jyrwa, aro Samsul Ali para ekta opportunity paina thik escape kuriwo parishey kidnappers kan laga clutches para. Kidnappers kan para attempt kurishey gari toh reverse kuriwoley, Tihu, Assam deh police checkpoint dikha peche deh, thik etu time deh teenta trio toh jump kurina olaijaishey gari para aro safely bachijaishey. Victims kan ke turant Tihu Police Station deh loi jaishey aro itya taikan toh safely Ri Bhoi district deh wapas ahina ase. Etu incident toh light deh ahishey jitya Kirit Dohtdong, Mawlang village laga resident aro Lohborlang Kharsatia laga maiki para Ri Bhoi District Police deh report kurishey. Tadey tai para report dishey ki tai laga mota aro duita sathi kan toh abduct huishey Guwahati laga visit deh JCB excavator kinibo ja time deh. Kidnappers kan para demand kurishey Rs 7 lakh ransom taikan laga release karney. Police kan para swift action luina phone number track kurishey kidnappers kan laga, Assam laga Nalbari area deh. Nalbari Police Station ke alert kurishey aro 3 pm, June 5 deh duita suspects, Samsul Hoque aro Abdul Aziz Kaplabori, Nalbari District para taka kan ke dhurishey ekta Maruti Ignis gari logot. Interrogation kura time deh suspects kan para confess kurishey taikan laga involvement crime deh aro taikan laga accomplices kan laga khobor bi reveal kurishey. Etu lead pa peche deh Assam Police aro Ri Bhoi District Police para Assam, Tihu deh checkpoint set up kurishey.
Meghalaya, Assam Police para teenta kidnapped huija manu kan ke bachaishey
