Shillong, December 10 : Meghalaya laga Bharatiya Janata Party (BJP) para ahibole thaka Lok Sabha election te kun alag party ke bi support nukurikina independent para election laribole laga irada janaisey. Etu faisla tu 5ta rajya te assembly election result announce huwa picheyte ahisey.
Meghalaya laga BJP spokesperson, M Kharkrang para etu faisla tu December 9 te confirm kurisey aro koisey ki etu party laga central leadership para joldi hi Meghalaya laga duita Lok Sabha seat – Tura aro Shillong nimitey candidate finalize kuribo.
Kharkrang para chuninda candidate khan ke ekdam bhal para campaign kuribole dibole nimitey bisi homoi dibole laga jarurat samjhaisey.
Tai para koisey ki etu mamla ke central leadership te alag mamla khan logotey discuss kuribo.
Meghalaya BJP para National People’s Party (NPP) ke support dibo parey koikina akhwa(hosa nathaka khobor) ke jawab dikina, Kharkhrang para etu khan hosa nohoi koisey aro ahibole thaka Lok Sabha polls te BJP laga independent stance ke wapas dohraisey.
Add Comment