Shillong, December 14, 2024: Meghalaya laga Border Security Force (BSF) khan para illegal smuggling kuribole laga tarika kurea homoi te, ekta Bangladeshi manu ke durishe koishe, Shillong te.
Yete koishe ki, taikhan khobor huni kina, Meghalaya laga BSF Public Realtions Officer (PRO) para koishe ki, Sector HQ Jowai laga troops khan ekta manu ke durishe koishe, Shillong laga Anjali Petrol Pump osor te.
Etu durea manu laga nam toh Munna Islam (20) ase koishe, aru tai toh Bangladesh Senapara laga Kashpur te thakhea manu ase koishe.
Aru tai koishe ki, tai para Indo-Bangladesh laga border toh paar kurishe koishe August 2024 laga moina te. Yete tai pet pali bole nimete bhal kam bisari kina ahishe koishe. Aru taike Kench laga Trace Beat House Police Station, Shillong khan laga haat te didishe koishe, medical examination karne, aru ahibole tarika khan lobo karne.
Add Comment