Shillong | April 11: Lok Sabha Elections 2019 laga 1st phase polling toh Meghalaya te Parliamentary seats: Shillong aro Tura karne dhakiya somoy te, tweita rulling aro opposition karne bhi Citizenship Amendment Bill (CAB) toh kodha ektam tangor issue dhakise.
Etu laga kodha te , Shillong Parliamentary Constituency Sanbor Shullai karne BJP MP Candidate pora striking statement aji dhakise aro koise, “Sanbor Shullai zinda dhskiya tok toh CAB implement nakuribo. Moi nijor ke murai dobo, Moi adma hadya kuribo hoile bhi Meghalaya aro Northeast India te CAB implement kuribole nadobo”.
Tai pora aro koise ki India kon te hoile bhi BJP Central leadership pora CAB implement kuriya ke eko dictary nai hoile pbhi enika toh Northeast Indian states te hobole nadobo. “India kot te hoile bhi CAB implement kuriya ke moi karne eko dictary nai hoile bhi CAB amendment laga principal bill te Meghalaya aro Northeast ke etu bill pora azaad kuriya laga dhakibole lage. Etu toh moi laga demand ase. MOi pora etu laga memorandum honourable Prime Minister of India Narendra Modi logot te submit kuri kena ase”.
CAB pora alak te, MP candidate pora bhi Jaintia Hills aro West Khasi Hills te koila lowa aro, Boundary laga kodha, unemployment aro alak issues khan laga kodha bhi koise
Add Comment