Meghalaya November 17, 2023 : Meghalaya laka Cabinet para Thursday din dhe NCERT(National Council of Educational Research and Training) laka textbook class 1- 10 approve kurishae Meghalaya Board of School Education(MBOSE) laka course kurne.
Cabinet para bhi approve kurishae Meghalaya Education Recruitment Board(MERB) ki consider kurikina tai kan laka recruitment ki jolti kurai dibole secondary aru higher secondary deh aru higher aru technical education department dhe.
Chief Minister Conrad Sangma para koishae NCERT textbook laka adaption dho kunba subject dhe modification kuribo MBOSE course la esab dhe.
State laka education system kurne concern dikaina Chief Minister para koishae, “ State laka education system laka stakeholders kan lokot research aru consultaion kurikina moikan conclusion dhe koi ase ki MBOSE laka maximum textbooks kan especially Mathematics, Science aru English subject kan dho national standards laka esab dhe nahoi.
Tai koishae ki NCERT textbooks adapt kura laka aim dho textbooks, learning outcome, quality of content etu kan laka overall quality improve kuribole, NCERT laka textbook adapt kura dho textbooks laka number komde huijabo.
“Moikan koi ase ki curriculum dho national curriculum dhe adapt hubo moikan laka local culture aru history laka content ki adapt kurikina,” Chief Minister assure kurishae.
Sangma para inform kurishae ki tai kan laka decision MERB form kura dho education department dhe 187 vacancies laka against dhe recruitment process dho jolti kuribole etu form kurishae.
Tai koishae ki Board dhe 11 members takibo tade Education laka Department dhe Additional Chief Secretary nahuile Principle Secretary dho head takibo.
Etu kura time dhe, Cabinet kan decide kurishae ki Meghalaya Fiscal Responsibility aru Budget Management Act, 2006 ki formally olob changes anibo.
Add Comment