October 02 2020: Meghalaya chief minister Conrad K Sangma para tai laga ministers khan majhotte portfolios khan bodli kurishe etu te tai laga dangor kokai James K Sangma toh food and civil supplies toh harishe deputy chief minister Prestone Tynsong logote.
Hamletson Dohling para urban affairs department harishe aro etu portfolio toh Sniawbhalang Dhar ke dishe.
Deputy chief minister Tynsong etia food and civil supplies hi nohoikena PWD (roads), animal husbandry and veterinary department, cooperation, thurikena ase.
Social welfare minister Kyrmen Shylla ke excise department laga additional charge dishe. Home minister Lahkmen Rymbui, kun para education sai ase tai ke district council affairs sabole dishe aro James K Sangma toh power, taxation, law, forest and environment and information & public relations departments thurikena thakibo.
Etu te duita nutun ministers Renikton Lyngdoh Tongkhar PHE, legal metrology aro SAD, aro Dasakhiatbha Lamare PWD (Buildings) Fisheries aro GAD dishe.
AL Hel toh health and family welfare, arts and culture khan sai thakibo aro dusra ministers khan etu te Banteidor Lyngdoh and Brolding Nongsiej laga portfolio bodli huwanai.
Add Comment