SHILLONG: Meghalaya Board of Secondary Education (MBOSE) para 12 Arts stream exam toh aji junaishe. MBOSE class 12 Arts laga pass percentage toh 80.75 percent ase aro etu pass percentage toh jowa saal logot 6 percent para besi wala hoishe. 2020 saal te, Class 12 Arts stream laga pass percentage toh 74.34 percent thakishe. Sob melaikena 25,683 students para Class 12 exam thishe aro 20,740 candidates exam passed hoishe. Class 12 Arts exam nemite 26,402 students para exams applied korikena COVID-19 bemari second wave samai exam toh thalishe MBOSE para aro merit list. Daniel Ksanbor Khyriemmujat koikena Shillong’s St. Anthony’s Higher Secondary School toh Class 12 Arts stream te ranked 1 hoikena tai 462 marks paishe. Second position toh L Kennedy Vaiphei para 450 marks paishe aro tai toh Shillong’s St. Edmund’s Higher Secondary School laga student ase. Jethro Jarvis Roy Jyrwa toh be St Anthony’s Higher Secondary School para ase aro tai scored 449 marks powa te 3rd ranked paishe. MBOSE laga official notification hesab te Class 12 (HSSLC) results toh 10 am te declared korishe. Board para aro koishe ke, 2014 saal para results booklet toh naola hoishe. Students khan para etu digital copy toh board’s website para download koriboli janishe. COVID-19 bemari thaka nemite board para result toh MBOSE office Tura/Shillong aro exam centres te nathikai koikena janaishe.
Add Comment