SHILLONG | Nov 14, 2019: Meghalaya Chief Minister, Conrad K Sangma para state’s Lokayukta laga directive ke welcome kurishe aro sob State government employees khan ke tai khan laga assets and liabilities etu te spouse aro bacha khan ke declare kuribole dishe.
Conrad para reporters khan ke Wednesday din te koishe ki “System te transparency thakibole kotha kurishe .Enika decision loishe koile toh ami bhabona toh etu toh interest ase system te transparency anibole nimete.”
Tai aro koishe etu toh positive sense te lobole koishe negative sense te nohoikena .Sangma aro koishe ki “Mui bhabona kura toh ki decide kurishe positive para lobole lagibo aro ami khan etu logote akhe te luijabole lagibo.”|
Aro bi khobor hisaab te Meghalaya Lokayukta para Monday te ekta order dishe etu bi S.K. Lyngdoh para government employees laga khilaaf corruption laga complaint kura pichede.Etu manu para etu manu khan laga haath te thaka details khan loishe.
Officials koikena janaishe ki etu complaint te janaikena Lokayukta chairperson P.M. Musahary para chief secretary ke necessary aro suitable directions dibole kotha kurishe public servants laga assets aro liabilities khan janibole nimete.
Musahary para statement te koishe”Etu application toh Meghalaya Lokayukta Act, 2014 para purpose kura te account luwa pichede janaa ase etu toh corruption laga uporte ase etu bi kunba public functionaries aro chamela uporte.
Statement te janaishe ki”Sob public servants khan tai khan laga assets aro liabilities khan ki ki ase etu logote spouse aro dependant bacha khan laga competent authority khan ke dibole koishe 30 din bithor te office te naghussa akhe nohoile toh akhe para office te thakishe koile to etu act shuru kuribole nimete.”
Musahary ekta porana Gauhati High Court ke juwa sal State’s first Lokayukta laga chairperson bonaidishe.
Add Comment