SHILLONG , August 18, 2019 Saturday Shillong te Meghalaya Chief Minister Conrad K. Sangma para Shillong Mawlai Bypass aro Mawkynroh Police Outpost khulishe.Manu khan jamaa huwa te etu inauguration time te Chief Minister Conrad K Sangma para etu manu khan kun khan para mati dishe etu duita project nimete khushi janaishe.
CM para aro bi koishe tai para etu programme te aha manu khan ke bi khushi janaishe.Meghalaya CM Conrad K. Sangma fourteen First Responder Traffic Police Bikes shuru kurishe .
Meghalaya CM para aro koishe government aro tai khan laga alag alag department khan tai khan laga part kurishe society nimete tai logote ekta dangor roles ase assets aro infrastructures khan maintain kuribole nimete .
Tai koishe ki etu bypass khula pichede bishi tourist khan ahibo.Etu nimete CM para manu khan ke tourist ke modot kuribole karne janaishe.
Conrad Sangma koishe Mawkynroh Police Outpost para bishi modot kuribo manu khan ke aro traffic khan bi thik thak thakibo etu Shillong Mawlai Bypass te.CM para bi etu occasion te fourteen First Responder Traffic Police Bikes shuru kurishe .
Etu inauguration time te dusra khan aha toh Deputy Chief Minister Prestone Tynsong, Transport Minister Sniawbhalang Dhar, Education Minister Lahkmen Rymbui aro Mawlai MLA P.T. Sawkmie ase .
Add Comment