SHILLONG, January 19: Meghalaya Chief Minister Conrad Sangma pora Friday te Union Home Minister Rajnath Singh ke Mines and Minerals (Development and Regulation) Act aro Coal Mines Nationalisation Act pora state toh bahar kori dibo nimite khota kori dibole koise.Etu toh northeastern state te mining joldi jalu koridibo nimite ase, official pora koise.
National Green Tribunal (NGT) pora state koila ghontiya toh April 17, 2014 pora bondh korise, etu laga karaan toh unscientific pora kam koriya nimite ase.
Singh logote meeting koriya samoy te, Sangma pora maanise ki Meghalaya te koila ghontiya toh miners aro environment khatra pora door korikena koribo laage, State capital te Chief Minister’s Office (CMO) pora diya khota hisab te.
“Koila ghontiya ke bondh koriya pora manu khan laga socio-economic(jeevan aro poisa) halat toh besi diktar kori dise, aro state laga revenue bi besi loss khaise,” Sangma pora enika koise.
Meghalaya Mining and Geology Department Secretary C. Manjunath pora Union minister ke etu maamla laga halat toh dekhaise aro koise ki mining Act laga kanun pora bahar kori dibo karne Presidential laga khota toh besi laagiye.
Asol kotha toh, Coal Ministry pora Meghalaya ke kanun pora bahar korise, hoilebi etu kanun ke jola jabobe laga constitutional power toh Home Ministry laga haat te ase.
Sangma pora Singh ke etu bi wada korise ki Centre pora bona environmental aro safety laga neum ke state pora thikse maanibo juti state te mining toh jalu koribo dile.
Tai pora etu bi sabha korise ki mining laga maksat karne state pora bona technical committee te Central government laga manu khan bi thakibo, aro Mine Safety laga Director General pora ki samoy te bi khusi pora sabole paribo, tai khan pora diya khota hisab te.
Etu meeting te Meghalaya laga ruling Democratic Alliance government laga noijun legislators attend korise.
Add Comment