Meghalaya de nurse ekta rabies para murishey

Meghalaya: Ekta biya khobor paishey ke Meghalaya de nurse ekta- Gracetyfull Marngar koi kina 32 saal takishey, tai rabies laga bemar para murishey Monday de Shillong laga Civil Hospital de. Edu khobor para Meghalaya medical community khan ke bishi hilai dishey. Tai laga bemar toh dui maina agi de rasta de kutta bacha khan para kamra karne lagishey koishey. Health Minister Ampareen Lyngdoh para koishey ke, Marngar, jinto West Khasi Hills District laga Tynghor Health Sub-centre de mid-level health provider takishey, tai kutta para kamra biche de rabies laga dawai eku paa nai koishey. Shillong laga Civil hospital de bishi deri treatment loi kina pe, Marngar toh rabies laga bemar toh bishi dangor hoi jai kina bacha pole para nai koishey. Minister Lynghor para edu laga case toh Tuesday September 17 de janai dishey. Tai para ano janaidishey ke government khan edu bemar laga dawai toh chutu level Sub-centre khan de pe pongjapole kuri asey koishey. Edu toh tai khan aro aha time de etya nishina manu laga Zindagi harija toh dubara nahopoley nemedey kuri asey koishey. Marngar murijaa para dikhe pai asey ke rabies laga dawai toh para tok joldi lopo lagey. Edu incident de Marngar toh tai laga mota aro 1 saal laga bacha ke charikina murijaishey jinto tai khan nemedey bishi mun duk takishey.