Shillong, October 31 : Meghalaya deputy Chief Minister Prestone Tynsong ke National People’s Party (NPP) laga Meghalaya unit laga president appoint kurisey.
Tynsong para Meghalaya NPP president laga zimidari tu Tuesday (October 31) te MP WR Kharlukhi laga haath para Shillong te thaka ekta party office te loisey.
Meghalaya laga Shillong te thaka ekta NPP office te NPP Meghalaya unit laga president laga zimidari handpver kuribole nimitey ekta ceremony rakhisiley.
Meghalaya laga Chief Minister Conrad Sangma para koisey, “WR Kharlukhi tu NPP laga president hoikina 16 years para seva kuri asey. Aro tai para NPP logotey bita homoi tu amikhan laga leader Purno A Sangma laga biswas kuribole para manu aro sathi hoikina aro bi bii lamba thakisey.”
Tai para koisey, “Amikhan para taikey eman saal para mondikina kaam kora nimitey aro NPP nimite kitya bi pahoribole napara laga kaam kora nimitey dhanyabad di asey.”
Etu Meghalaya CM para agey barikina koisey, “ Prestone para rajya laga politics te bisi saal laga experience khakikina Dr Kharlukhi laga haath para etu zimidari lobole asey aro Meghalaya aro Northeast te NPP laga pohongch aro mission tu baraidibo.”
CM Conrad Sangma para koisey ki Prestone laga leadership te taikhan pura bharosa asey aro taikey subh kamna bi disey.
Add Comment