Agencies:Meghalaya footballer toh tai laga naam toh probables list te paishe. Etu list toh U-23 AFC Championship Qualifiers, 2020 nimite ase. U-23 AFC Championship Qualifiers, 2020 toh March 22 para 26 tok Uzbekistan te hubole ase.
Khobor hesab te Tuesday te All India Football Federation (AIFF) para U-23 AFC Championship Qualifiers, 2020 laga probable list toh announce kurishe. Meghalaya state laga footballer Samuel Lyngdoh Kynshi laga naam bhi list te hali kena ase.
Samuel toh Shillong Lajong Football Club nimite forward te khelay. Tai laga naam bhi list te ahishe.
18-year-old youngster toh Meghalaya laga sob para chutu (youngest) I-League goal scorer ase. Tai toh Indian National Team preparatory camp toh join kuribole pura taiyar ase. Etu toh duita phase te Goa te hubole ase. Etu toh March 2 para 8 tok hubo aro etu pichete March 16 para 19 te hubole ase.
Tai toh international friendly match bhi khelibole ase. Etu match toh Qatar U-23 national team laga khilaf te kh*elibole ase.
India toh group F te Pakistan, Tajikistan, aro Uzbekistan logote rakhi kena ase. Aro teams toh AFC U-23 qualifiers Uzbekistan te March 22 para 26 te khelibole ase.
AFC U-23 Championship toh 2020 saal suru te kick off hubole ase.
Shillong Lajong Academy laga product Samuel toh I-League te kheli ase. Aro etu season lag tai sob para bishi goal mara Indian ase. Samuel para etu season te charta goal mari kena ase.
Add Comment