Headlines • Regional

Meghalaya government ILP deh resolution pass kuribole nemide special session lobo

December 14, 2019
21 Views

Agencies, 14 December: Meghalaya government para State Legislative Assembly laga one-day special session lobole fesla korise. Etu session toh hoile state deh ILP suru kuribole nemide government para resolution ahibole karni hobo. Etu lobole laga fesla toh hoile Saturday morning 12.30 am New Delhi deh Meghalaya Democratic Alliance (MDA) government laga chairman aro chief minister Conrad K Sangma para lead korikena union home minister Amit Shah ke lok kora bechide ase.

Delegation para union home minister ke Inner Line Permit (ILP) toh pura Meghalaya deh suru kuribole request janaishe.

Delegation para be Union home minister deh kaam laga saman state deh komti howah janaishe. Etu toh hoile neighbouring state Assam chamela thaga nemide ase koise.

Shah logode meeting thaga opor deh janai kena Conrad Sangma para tweet deh koise, “MDA Govt delegation para Hon’ble Home Minister @AmitShah ji ke aji Delhi deh 12:30 am lok korise. Etu toh hoile Meghalaya deh central Govt para Inner Line Permit (ILP) suru kuribole nemide janaidebole lok kora ase.

Tai aro koise, “State Government para one-day special session lobo. Etu toh ILP suru kuribole nemide Government para resolution anibole nemide hobo”.

Khobor hisaab deh, union home minister toh delegation para sob issues janaideya ke open thakise aro sob issue ke joldi saijabole manishe.

MDA delegation deh Assembly speaker Metbah Lyngdoh (president of UDP), deputy chief minister Prestone Tynsong (NPP), health minister A.L. Hek (BJP), sports minister Banteidor Lyngdoh (president of PDF) aro transport minister Sniawbhalang Dhar (NPP) ase.

Tusara delegation members khan toh urban affairs minister Hamlet Dohling (PDF), PHE minister Samlin Malngiang (HSPDP), Saleng A Sangma (NCP), Lambor Malngiang (Independent) aro Thomas A Sangma (NPP) ase.

Khobor hisaab deh, Friday din Meghalaya deh 20,000 opor manu khan Raj Bhavan agae deh ahishe. Etu toh hoile state deh ILP suru kuribole nemide demand korikena ahishe.

Etu bechide Meghalaya laga four groups koise, judi state Assembly laga session deh Inner Line Permit (ILP) laga resolution pass kuribole paranai koile MLAs ke tai khan laga khor para othabo.

Khasi Students’ Union (KSU), Federation of Khasi Jaintia and Garo People (FKJGP), Hynñiewtrep National Youth Front (HNYF) aro Ri-Bhoi Youth Federation (RBYF) para December 19 direk majode government para Assembly laga ekta special session lobole demand korise.