April 18, 2021. Meghalaya Governor Satya Pal Malik para notun Garo Hills Autonomous District Council (GHADC) laga 1st session thakiboli matishe, etu samai notun junai members khan oath loboli ase koishe. Saturday din te District Council Affairs department para notification issue kora te Meghalaya Governor para notun Garo Hills Autonomous District Council (GHADC) nemite 1st session toh April 19 darik te thakibo, etu samai notun junai members khan ke GHADC laga district council hall te 11 am samai ahiboli janaishe. Meghalaya Governor para aro GHADC chairman laga election toh April 21 darik te thakibo koishe. Notification hesab te GHADC chairman election toh 11 am te thakibo. West Garo Hills district laga deputy commissioner, Ram Singh para tuita(2) Council sessions toh be preside koribo aro etu samai GHADC Chairman nemite te election toh be thakiboli janaishe. GHADC te 29 junai members ase aro etu beche 1 jun toh Governor para junibo koishe. NPP-led Garo Hills Democratic Coalition (GHDC) para NPP MLA/MDC Benedict Marak ke CEM post nemite select korikena ase aro tai House te election samai larai koribo. GNC member Nikman Marak ke deputy CEM select korishe. Chairman post nemite, GHDC para candidate toh Rakesh A Sangma ke junikena ase aro tai toh election samai officially juniboli ase koishe.
Meghalaya Governor para GHADC laga session nimete
Add Comment