SHILLONG | August 30, 2019: Meghalaya Government Thursday din te ekta committee olaishe alag alag groups khan laga kotha khan janibole nimete etu Sixth Schedule of the Constitution laga amendment nimete.
Chief Minister Conrad K Sangma aro Meghalaya Indigenous Tribal Constitutional Rights Movements (MITCRM) laga members khan meeting te manishe etu committee olabole nimete .
Meghalaya District Council Affairs Minister, James K Sangma reporters khan ke meeting khotom hoikena koishe ki”Ami khan manishe ekta committee olabole nimete state laga indegenious manu khan laga dikdaari khan janibole nimete Sixth Schedule amendment laga.”
Sangma logote etu committee laga dusra members khan toh Tourism Minister, Metbah Lyngdoh, Urban Affairs Minister, Hamletson Dohling, Commissioner and Secretary in charge DCA department, Chief Executive Members three Autonomous District Councils, Advocate General aro MITCRM khan ase .
MITCRM para memorandum diya te etu sixth schedule laga amendment nimete kuntu toh Rajya Sabha te kotha kurishe Sangma koishe etu committee para MITCRM kotha ola khan te sabole ase .
MITCRM khan para etu proposed amendment laga khilaaf sawal khan uthaishe aro tai khan para state government khan ke saidibi koikena janaishe.
Etia MITCRM laga member Samuel B Jyrwa koishe tai khan etu “unrepresented tribes” laga word toh Sixth Schedule laga amendment para hataidibole koishe.
Tai koishe ki etu “unrepresented tribes” laga representation toh khali Khasi Hills Autonomous District Council (KHADC) aro Garo Hill Autonomous District Council(GHADC) khan nimete ase.
Etu meeting te Deputy Chief Minister, Prestone Tynsong, PHE Minister Samlin Malngiang, Social Welfare Minister, Kyrmen Shylla, Health aro Family Welfare Minister AL Hek aro MITCRM laga members aro etu te pressure groups aro traditional heads laga members khan ahise.
Add Comment