Meghalaya Govt para mora manuh ke 50,000 junaishe

SHILLONG: Meghalaya government para koishe ke Megha Health Insurance Scheme (MHIS) othabo nemite aro COVID bemari para mora manuh logot Rs 50,000 thiboli junaishe, etu poisa toh mora  manuh laga ghor manuh logot thiboli koishe. Thursday din te Deputy Chief Minister Prestone Tynsong para press conference samai koishe, Health department logot kotha kora beche, government para COVID-19 bemar para mora ghor manuh khan logot Rs 50,000 para motob thiboli janaishe, etu fesla toh April 1, 2021 para soruh hoikena jai ase. Etu poisa laga kotha te, tai para koishe, April 1 darik para soruh hoikena aji dak te bemar para 340-350 manuh morikena ase. Aro kotha kora beche, government para MHIS coverage toh 1 din nemite Rs 4,900 para loikena sobse besi wala Rs 60,000 dak COVID-19 bemari manuh logot thiboli janaishe. “etu poisa aro motob toh MHIS bemari aro beneficiaries kaun khan MHIS te nam enrolled korikena ase etu manuh khan nemite ase aro government para 1 din laga Rs 4,900 toh othaikena Rs 60,000 dak thibo, etu motob toh kali COVID bemari manuh nemite ase” koikena Tynsong para janaishe. State te aro health benefits othai deya te, government para journalists aro media manuh ke frontline workers hesab te manishe koishe.