Shillong, 11 March : Meghalaya laga High Court state government laga plastic ban implement kora upor te aru detailed report mangise, specially juntu 120 microns pora kom thickness thaka plastic items karone ase.
March 11, 2025 te PIL No. 7 of 2024 laga hearing time te, Chief Justice IP Mukerji aru Justice W Diengdoh state laga Block Development Officers pora report khan review korise, kintu tai khan pai thaka report te specific details kom thaka paise.
“Government laga action hosa te amikan satisfy ase, kintu itu sirf shuruwaat ase,” bench koishe, aru emphasize korise ki implement kora kaam strictly continue kuribo lage.
Itu public interest litigation Phuyosa Yobin pora file kurise, aru tai pura Meghalaya te plastic use pura ban kuribo karone mangishe. August 16, 2024 te court pora plastic ban karone directives dise, aru November 21, 2024 te alak specific orders bhi issue kurise.
Court acknowledge kurise ki plastic laga durability karone storage containers aru packaging karone use hobo, kintu tai laga “eco-system, environment aru manuhor health upor te bohot dangor problem hoise” koi dise.
Block Development Officers laga reports te mention ase ki awareness programs rakha hoise, inspection drives cholise, aru plastic laga alternatives promote kurise. Ekjon officer koishe ki Mawkynrew Block te 120 microns pora kom thaka plastic items ban “successfully initiate” kura hoise.
Kintu court itu report khan insufficient paise aru koishe, “Administration pora lobo kora action laga details besi detailed thaka lage.” Bench specifically mangise ki awareness programmes laga date, location, aru stakeholders ke mention kurikene, inspection results aru seize kora plastic items laga weight or number bhi details te dikhai dibo lage.
Next hearing May 14, 2025 karone rakha ase aru respondents khan ke May 12, 2025 pora age te detailed report file kuribo karone direction dise.
Add Comment