January 4, 2026: Meghalaya khan ke draw de deshe, 79th Senior Men’s National Football Championship laga final round te, Santosh Trophy 2025-26 te. Tai khan ekta group te gushe jai she, kute poila laga champions khan beshe ase aro finalist khan be ase koishe. Draw toh December 31 te thake she, All India Football Federation laga headquarters, New Delhi te. Assam para final round toh host kure bole ase, January 21 te, 12 teams toh duata group te bhak kure deshe. Group A te, Assam, defending champion West Bengal, Tamil Nadu, Uttarakhand, Nagaland aro Rajasthan ase. Aro Group B te Meghalaya, Kerala , Services, Punjab, Odisha aro railways khan ase. Kerala toh last season laga runners up thake she, aro beshe para champions thake she, tai khan 2021-22 laga title pai she. Aro services khan toh 2023-24 laga champions thake she, aro tai khan para Meghalaya ke harai she quarter finals te, 2024-25 laga edition te. Punjab khan toh 2007-08 laga champions thake she, aro etu piche te tai khan tin bar runners up thake she. Railways khan 2013-14 te final punche she. Meghalaya aro Odisha toh ekbar be championship jete nai. Meghalaya khan 2022-23 te final te 3-2 para hare she Karnataka khan laga hath para. February 2 aro 3 te quarter final khele bole ase, aro semi finals toh February 5 te thake bo, aro final toh February 8 te thake bo.
Meghalaya khan last Champion logo te khelebole ase, Santosh Trophy group te
Add Comment