Agencies, 10 September: 4th Northeast India Kickboxing Championship pora Meghalaya Association of Kickboxing Organisations (MAKO) toh Champions howah thakise. Etu khel toh September 8 de lowah thakise. Etu Championship de 221 khelari aro 26 technical officials toh hesha lowah thakise. Assam Kicboxing Team (AKA) pora second position lowah thakise aro third de Manipur Kick boxing team (KAM) pora lowah thakise. 2019 de, Assam pora 5th Northeast Kickboxing Championship toh Guwahati de organise koribole ase. Etu din MAKO pora be achanak foundation Day mana thakise. Tati Meghalaya Tourism Minister, Metbah Lyngdoh toh chief guest thakise. Speech de, Lyngdoh pora Northeast Association of Kickboxing Organizations (NEAKO) laga leader logode enaga programme bona karni kushi ppowah kotha janaideya thakise. Aro tai pora MAKO logode be Championship organise kora de kushi-powah kotha janaideya thakise. Minister pora be NEAKO logode motob koribole wada kora thakise. Etu wada kora toh aihebole sal Kickboxing toh Northeast Games de melaidebole wada kora thakise. NEAKO laga Secretary General Biswajit Kakoti pora be Lyngdoh logode motob koribole kowah thakise. Assam Chief Minister, Sarbananda Sonowal pora be NEAKO logode etu plan de motob koribole kowah thakise.
Add Comment