Meghalaya laga alag jaka te accident

Shillong | Oct 29, 2018: Etu weekend te state laga alag alag jaka te accident hoishe  .Etia khobor te janaa toh etu weekend accident toh hudai  hoi thakeh  aro EMRI 108 Ambulance services  pora koishe bishibak road accident khan toh  weekend te hoi .Etu weekend te charta accident hoikena thakishe  etu pora 5 jun manu jhokom paishe .Etu laga akhe wala case te Pynthorbah11.42 pm nishena tai laga bike te ekta gaari pora marikena jhokom paishe  .Tai ke  Civil Hospital Shillong 108 Shillong  Base Ambulance pora luijaishe  .Aro ekta case te Dashindra Marak (43) ke  Upper Shillong3rd Mile 5.33 pm nishena te ekta bike pora maridishe   Etu manu ke  Civil Hospital Shillong  108 Laitumkhrah Base Ambulance pora luijaishe .Third wala case teduita manu jhokom paishe tai khan laga gaari ke JNNURM SPTS Bus pora maridiya pichede Lad Umsaw2:04 pm te .Etu jhokom paa manu naam toh  Lasiewdor Mawrie (7) & Sikkim Mawrie (45) ase .Etu duijun ke  Bhoirymbong CHC 108 Bhoirymbong base ambulance pora luijaishe .Aro ekta chamela te  ek jun Adrian Syiemlieh (19) tai laga scooty girikena jhokom paishe  .Etu chula manu control kuribole naparikena Ryndang briew 3:34 pm te girishe.Etu manu toh chest te jhokom paishe  aro saas lobole dikdaar pai thakishe  pre hospital care dikena  NEIGRIHMS te 108 Shillong Civil base Ambulance pora luijaishe.