Meghalaya Legislative Assembly laga Autumn Session August 23-30

Shillong, 27 July : Meghalaya Legislative Assembly laga autumn session toh August 23 para August 30 tak thakibo.

Itu toh Meghalaya Assembly Speaker Thomas A. Sangma para Business Advisory Committee (BAC) meeting chair kuria piche dey janai dishey Friday dey.

Sangma kuishey ki Assembly session karney calendar ke Business Advisory

Committee (BAC) para approve kurishey.

Government business karney three din aro private members’ business karney tui din allott kurishey.

Itu Business Advisory Committee meeting dey Deputy Chief Minister Prestone Tynsong, Leader of Opposition Ronnie V Lyngdoh, aro Public Accounts Committee chairman Charles Pyngrope para attend kurishey.

Itu homoi, Sangma para kuishey ki Leader of Opposition laga post dey eku podli nai, kuntu itua Congress leader Ronnie V Lyngdoh para hold kuri asey.

Leader of Opposition laga post dey sawaal uthi thakishey kitia Congress ke 60-member House dey four MLAs tak komti

kuri dishey Saleng A Sangma para Gambegre MLA nishna resign kuria piche dey, ekta Tura MP dey tai laga election piche dey.

Itu Trinamool Congress, five MLAs logot ekta dangor strength asey opposition bench dey kitia Congress aro VPP logot four MLAs each asey.

Itu Speaker agey kuishey ki Meghalaya Legislative Assembly laga notun building dey itia chuli thakia construction toh labourers nathakia karney bishi affect kurishey.